Céad mile fáilte romhaibh chuig Pobalscoil na Rosann. Táimid buíoch díobh as ucht spléachadh a thabhairt ar ár réamheolaire. Is scoil dalta-chairdiúil Pobalscoil na Rosann ar aidhm di féinmhúinin agus féinmheas a chothú sna daltaí trí thuiscint a thabhairt dóibh ar a bhféiniúlacht agus ar a n-oidhreacht mar Éireannaigh Is é ár sprioc ná oideachas cuimsitheach a chuir ar fáil a racaidh chun tairbhe dona daltaí agus don phobal i gcoitinne sa todhchaí Tá an scoil seo lonnaithe sa Ghaeltacht agus is cuid de pholasaí , ag cur san áireamh an dul chun cinn atá déanta i gcursaí cumarsáide agus gluaiseachtaí idirnáisiúnta, ár bhféiniúlacht a chosaint , a chaomhnú agus a neartú. San am chéanna polasaí a chur i gcríoch le gur féidir cumarsáid leis an saol amuigh a neartú agus a fhorbairt. Déanann an scoil freastal ar an dalta lag agus láidir araon. Tuigeann údaráis agus Bord Bainistíochta na scoile an pháirt fíor-thábhachtach atá ag tuismitheoirí i n-oideachas agus in oiliúint a gcuid páistí. Aithnimid an ról lárnach sin agus fáiltimid roimh thuismitheoirí agus roimh Choiste na dTuismitheoirí agus is é ár mian tuismitheoirí a bheith lán-gníomhach i saol ár scoile. Ni neart go cur le chéile. Táimid fiorbhuíoch díobh as bhur dtacaíocht go dtí seo agus bhur n-iontaoibh ionainne mar oideasóirí. Is é ár mian oibriú ar mhaithe le bhur bpáistí ionas gur féidir linn gach gné den duine aonair a fhorbairt in atmaisféar foghlamtha tuisceanach cairdiúil a thabharfaidh gach deis don dalta forbairt go hiomlán le haghaidh a shaoil phearsanta, sa teaghlach, ar an láthair oibre agus imeasc an phobail.